Bosaso: Dhismaha Bank Casriya oo Shirkada Iftin Group Bosaso xariga kaga jartey Maanta,Sawiro.

Nagala soo xiriir : Puntlandpost.pp@gmail.com

Bosaso: Dhismaha Bank Casriya oo Shirkada Iftin Group Bosaso xariga kaga jartey Maanta,Sawiro.

 Print

Bosaso: (qawmedia.com)- Munaasabad xariga looga jarayey Dhismaha cusub ee Bank-ga Shirkada Iftin ayaa maanta lagu qabtey magaalada Bosaso, waxaana kasoo qeyb galay Madax ka socota Dowlada Puntland oo uu hogaaminayo Madaxweyne ku xigeenka Gen C/samad Cali Shire, Wasiiro, Saraakiil, Ganacsato, Isimo,Culimo iyo Marti sharaf kale.

Gudoomiyaha Shirkada Iftin Group Aadan Cabdulaahi Ilkacase oo ka hadley munaasabada ayaa sharaxaad ka bixiyey furitaanka Dhismaha Bank-ga casriga oo ku sababeeyey in uu ku yimid fursadaha ka banaan ganacsiga iyo maalgashiga wadanka.

Aadan Cabdulaahi waxa uu sheegey in magaalada Bosaso ay tahay xarunta Ganacsiga, islamarkaana ay muhiimiyad u leedahay dad badan oo ganacsatadu ugu horeyso, isagoona carabka ku dhuftey in Iftin dhismaha casriga ee Bosaso ka hirgalisey uu tusaale u noqon karayo ganacsatada oo ku dhiirata maalgashiga iyo kobcinta ganacsigooda ee dalka.

Dhismaha Bank-ga xariga laga jarey

Dhismaha Casriga ee Shirkada Iftin ayaa Enjineer-kii dhisey uu sheegey in uusan isbedeli doonin muddo 40 sanadood ah, loona marey hab casriya .

Gudaha Bank-ga Iftin

Xubno kala duwan oo ka mid ahaa Masuuliyiintii kasoo qeyb galay munaasabada daahfurka dhismaha Bank-ga oo ka hadley goobta ayaa si isku mid ah isugu raacay in Bank-gan cusub ee Iftin Group uu noqonayo midkii ugu horeeyey ee Bosaso laga hirgaliyo , islamarkaana ku tilmaamey shirkada ku dhiiranaya maalgashiga inay yihiin kuwo kaalin ka geysanaya horumarka Puntland.

Madaxweyne ku xigeenka Puntland Gen C/samad Cali Shire oo xariga ka jarey dhismaha bank-ga, soona xirey munaasabada loo sameeyey ayaa sheegey in uu ku amaanayo shirkada Iftin Group mid soo kordhisey kaalin mug weyn.

Mudane Gen C/samad wuxuu ku booriyey ganacsatada reer Puntland inay ku dhiiradaan horumarinta goobaha ganacsigooda, wuxuuna yiri xilli uu kaftamayey Madaxweyne ku xigeenku sidan ” Lacagta guntiga waa in laga furaa oo dalka dib loo galiyaa si aynu u gaarno horumar muuqda” ayuu yiri gen Abdisamad.

Banki-ga kaamarooyinkiisu shaqeynayaan.

Ugu danbeyntii Madaxweyne ku xigeenka Puntland waxa uu kula dardaarmey dadkii kasoo qeyb galay munaasabada in uu u jeedinayo sidii ay amaanka uga wada shaqeyn lahaayeen , taasi oo ku sifeeyey hadii aan nabad la helin in uusan jireyn horumar wadanka la gaarsiiyo.

QAWMEDIA.COM

Geplaatst door Farhan